轉載自友人Ashwin的電郵：

Fresh from my shower, I stand in front of the mirror complaining to my
husband that my breasts are too small.

Instead of characteristically telling me it’s not so, he uncharacteristically comes up with a suggestion: “If you want your Breasts to grow, then every day take a piece of toilet paper and rub it between them for a few seconds”

Den ganzen Beitrag lesen…

裝修完要大執位真係好麻煩，淨係諗點樣利用現有傢俬來fitＤ騎呢位巳經頭痛死, 同時又要清潔、又要拉過晒network同setup過晒所有電器。搞左成日都仲未完全setup好，點苦中作樂？鑿冰啦！估唔到咁好玩, 直頭係爭住黎做呀！

經過十幾日的home office，公司既裝修終於搞掂可以返番工！做左成晚清潔，兩點幾先番到黎，仲要清埋Ｄ email和今日to-do list, 我成身散晒 ……

呢排無office的日子我差不多日日都係coffee shop蒲，見客去、見人去、要搵地方落腳時又去，好彩有個PCCW unlimited Wi-fi account, D時間過得特別快。最唔好就係飲咖啡飲到驚，個胃唔係好受得，我今日叫左杯hot chocolate。拎住部Mac係coffee shop做野係咪好型？嗯 … 都幾架 … 有時仲會有陌生人「搭訕」添！唔係話唔用得PC, 就算係都唔好係Ｄ成本黃頁咁厚既老爺機, 個樣真係幾“dud”。

呢個星期眨下眼又過左一半，我仲有X咁多野要做，睇黎又要再瞓少D …. 唉!

係中環SOHO的Au Belge慶祝父親節，比利時菜，ok好食，最失望係招牌菜青口(mussel pot)竟然一早賣晒！跟住去西環源記食糖水，我叫左個杏仁露，好正！

上年十月我有幸認識到幾個香港 Web 2.0的中堅分子，想唔到短短大半年間香港的 Web 2.0 發展迅速，計計埋埋已有一打, 今晚更會聚首一堂 chit chat 一番, 多得Uta發起和籌備。

雖然我自己做website 搵食，但係一直都無搞任何 Web 2.0，原因好簡單：就係做公司的projects都忙死。做一個 product 同做 project 好唔同，唔係話跟 spec 做完就得，就算係熟手技工，好快做到出來又如何，而家講全球競爭，一定要日以繼夜咁不停改進，又要兼顧marketing同support, 少D心力同財力都無可能。所以見到這呢班咁有 heart 的年青人對Web的熱誠和成績，真係打從心底裡佩服（又羨慕）！

今日下午滂沱大雨，我係中環塞緊車時，竟然聽到收音機裡講起 EditGrid, aNobii 同Recruit.net！ 我拿拿臨「豎起」耳仔聽，原來係香港電台第二台的《 e 個 世 界 》講Webby Awards。連香港的大眾傳播媒體都提，我諗真係要多謝巴士阿叔同YouTube。

好多人都睇小香港的I.T., 我同意香港未必係做科研的理想地方，但我反而睇好做 Web 這方面的發展。原因有幾個：

• 做 Web 的成本同技術門檻都不高，容易開始，正一「小本經營」
• 香港人夠快、夠靈活又心急，做 Web 都幾適合
• 而家做 Web 要「面向世界」，香港人慣晒兩文三語，搞多語言(multi-lingual)有優勢
• 經過二千年的科網泡沬，大家都踏實了許多，去蕪存菁，有利長遠的健康發展

當然，我意思唔係話搞 Web 就會賺大錢（係我就發左啦！），「睇好」意思係如果意念好又實行到的話，應該係一門做得過的生意／工作。其實個市場越成熟，就越難賺大錢 (windfall), 真係好有熱誠的人先會鍥而不捨咁一路堅持做落去，而呢股熱誠，並不是靠一個虛無漂渺的「發達可能」撐落去的，最後如果真係賺大錢，也只是美妙的by-product。

Yes! 終於忍唔住要買新機。Apple 四日前剛出了新的MacBook Pro, 雖然規格上無乜大驚喜，我覺得都係時候了。我用緊的13″ MacBook都仲好新，但係以前兩部都係PowerBook, 用落真係覺得都係 “Pro” 機正好多，即係「一分錢一分貨」。除左部機快，個mon大，keyboard易打，部機tough好多，MacBook 感覺還是很「膠」（不是粗口，plastic 那個膠！）。上我Flickr睇下神聖的「開盒儀式」。部MacBook點算？梗係唔賣啦（因為都唔方好價），諗住擺公司俾其他同事用算了。

另外，今日office正式開始裝修，要搞成個幾星期。呢幾日執開野先發現搬來短短兩年巳經積埋咁多雜物，為達到live a simple life的目標，一定要狠下決心。我諗我差不多扔了四大蘿，包括所有以前讀大學時的法律書和筆記（呢次真係無得返轉頭）、舊的電腦書、軟件和電玩的盒、舊project資料的hard copies … 仲記得初初搬來時只得幾樣野，所以有時間屋（或office)幾大都無用，如果無節制（即係我咁），好快又會滿！

除了濛濛矓矓的煙霞，還有另一種「煙」污染著香港 — 就是香煙。我真的不明白點解這種「煙」叫香煙，佢不單止唔香，仲好臭！不單吸煙的人臭，佢周圍的空氣都一片臭味。

自從室內和食肆禁煙後，我發現街上吸煙的人多了很多，係中環返工的我，簡直避無可避。條街人多車多，前後左右起碼有一個人吞雲吐霧，有時等過馬路、等車或塞人時被迫吸入一大一大團的二手煙，覺得做幾多護膚都徒然。真係非常非常希望香港就快有好像日本的「步行喫煙禁止」法例，咁我出街就唔駛閉氣!

我係好反對吸煙，因為呢樣野對人百害而無一利，但我亦都尊重他人選擇的自由。等於我鍾意食肥豬肉，係好無益但我係都要食，身體係我自己的，但我絕無理由要迫其他人陪我食，其他人都應該有選擇自由。最好就係有充足的吸煙區，想吸就到那些劃定區域去吸，你邊行邊噴煙，叫我點避？