八號風球
相信昨天好多人都好開心，因為打八號風球無端端放了半日假，仲要係星期五，即係有個 long weekend。大部份人都係打工仔，做「快閃黨」當然無可厚非，我諗如果我係打工既都會即走, 留係度搏乜？ 對我宜家來說，係公司同係屋企都無乜分別，咪又係做，所以寧願留多幾個鐘，避開Ｄ洶湧人潮。夜晚看電視新聞證明呢個決定係正確既，因為同一時間全香港返緊工既人一齊湧出黎真係非同小可，地鐵站都要落閘管制人流。最後係公司搞到成九點幾，走落蘭桂坊搵食，見Ｄ酒吧都開番晒，不過餐廳好多都唔開，最後又係返番翠華。個風今朝走晒，但係雨仲係落不停，無 tennis 打，希望下星期好天啦！
