不能入睡的原因
認識我的人都知道我係「夜鬼」一個，我最喜歡半夜三更開工，貪夠靜夠專心。可惜最近都愈來愈少機會有一刻清靜，連睡覺都不能。講出來都覺得很搞笑：隔離單位有對年青夫婦不停吵吵鬧鬧，搞到我要打電話去管理處。
可能佢地以為半夜三四點人人都睡了，就走出來走廊嘈，但係我就正正給他們搔擾。我無興趣聽佢地嘈什麼，但感覺到「火藥味」很重，好擔心會遲早有一日會「出事」。我們這個年代的人鄰里關係冷漠，除非有人嗌火燭或救命，否則多數都抱「多一事不如少一事」的心態。
坦白講，我擔心有「血案」多過有噪音，但又唔知道可以做什麼，難道走出去勸交？這對年青夫婦家裡還有個小孩，我很難想像「出事」起上來會有多嚴重。我記得自己幾歲大時見過父母鬧交，雖然只是斯文的口角之爭，已經嚇得我又喊又失眠，事隔多年都重記得，那種影響可想而知。都係那句：諗得好好好好 … 清楚先好結婚生仔，唔該！
Tags: