Tag Archive
搵樓貼士: Location, Location, Location
唔知係咪我真係好耐無update個blog定係突然間轉用中文嚇親人，上篇文出街後有不少各方好友致電郵問侯，恭喜我搬屋，多謝晒大家！有人問我租金幾多錢、佢都搵緊樓有乜好提議，又有人問點解唔post多Ｄ相。租金幾多就唔係度講，總之就市價啦。Post 左幾張相係呢度，個海景係咪好細呢！我最鍾意就係我張雙人床，一個人瞓真係好闊落，不過唔影得！;-)
原來好多朋友都諗過或者諗緊搬出來住，以剛剛出來打工幾年的後生仔來說，這個動作難度絕對係9.9。香港的租金貴到出晒名，係市區租間套房都要二千幾蚊一個月，一個有電梯似樣Ｄ的小單位都至少四千幾，加埋水電煤同雜費，五千銀走不了。如果屋企唔近公司，交通費同時間又要駛多Ｄ。
以我經驗來說，搵樓先要搵區，即係揀定想住邊區先。第一，根據地產rule #1 – Location, Location, Location, 地點決定價格。你上網或者問下周圍的人都大約知道自己的budget可以唔駛諗邊幾區。我公司係中環，最正就係住係附近，例如SOHO/NOHO, 半山、堅道這頭，不過睇過最少都要九千至一萬（重要係質素最差那些），所以一早唔駛諗。除非你絕對唔趕，又有好熟的經紀，否則都幾難「等」到或「遇」到 below market price 的 「筍盤」。第二，如果唔揀定一區，搵樓會好浪費時間。絕大部分的代理都只專注做一區，你叫佢跨區幫你搵，佢多數都唔方落力，因為佢唔熟又唔夠盤sell。所以一定要鎖定某區，集中火力去睇樓，否則肯定行幾個月都未知點好。
我2002/03年時住過西環，方便返大學，但係那區因為會起地鐵炒到貴晒，放盤又少。當年一個四百幾呎的兩房單位租五千幾，而家要七千幾八千，內籠又唔新淨。加上交通唔方便（一句講晒– 無地鐵），所以我最後寧願揀北角區。地鐵／火車站真係好緊要，除非你返工搭巴士重快。呢個亦係我放棄諗跑馬地區的原因，想像下早上繁忙時間塞車或搶的士的情境就驚。
九龍區我唔熟，但香港區要幾千蚊交通方便又企理既樓真係唔多，如果搵到朋友share會易諗好多，起碼可以有budget揀Ｄ質素高Ｄ的樓盤。每個人搵屋都有唔同priority, 我覺得交通方便緊要，但有Ｄ人就要有view或要靜或可以養寵物 ,… »
一個人住的日子
搬了都有三個星期，但還是不太適應。
衣：這方面基本上無問題，我一個星期洗一次衫，樓下有幾間洗衣店選擇，三十幾元一次，即日有取，很方便。
食：雖然周圍好多餐廳，但我仲未摸熟地頭，好多時行過都唔敢入去，而家食來食去都係那幾家。最正當然係勝利小廚，我未搬來時巳經常來幫襯，不過餐餐食油飯會好易肥。
住：一個人住覺得好自由，但好靜，我通常都開住電視或收音機，呢種生活令我諗起以前在大學住Hall那幾年，而家幸福得多，有張四尺濶床、32″ LCD TV、cable TV 又唔駛溫書考試！
行：呢度係就係有海景，但係位置有點吊腳，行去北角站或炮台山站都要成十分鐘，如果著住高踭鞋真係好慘，經過一輪的研究，搭18號往返中環係最方便，唔塞車十分鐘就到。行去天后維園那邊都好快，不過泊車就煩，附近幾個屋苑都無時租，有好多錶位但兩個鐘落一次街真係人都癲！我試過遲一陣就抄左牌！泊北角地鐵站旁那爛地唔平又要行得遠，所以我都係少揸為妙。屋企樓下絕對可以泊街，如果我可以朝朝早過八點出車走，所以即係無計! 總括來說這區幾好住，樓下超市、便利店、食肆、租碟、洗衣、診所 …應有盡有，最好租金再平些。
成家人都去了澳洲旅行得我留係香港，開始掛住D住家飯… »